ORATIO IMPERATA (Hiligaynon)

Oratio Imperata Batok sa N-Corona Virus

O Dios nga amon Amay,

kami nagapalapit sa Imo sa amon kinahanglanon

sa pagpangayo sang Imo panabang

batok sa 2019 N-Corona Virus,

nga nag-utas sang amon kabuhi

kag nagtublag sa kadamuan.

Kami nagapangayo sang Imo grasya

para sa mga tawo nga gintugyanan sa pagtuon

sang kinaiya kag ginhalinan sang sini nga virus

kag sang balatian nga iya gindala

kag sa pagtapna sang iya paglaton sini.

Ihatag ang Imo pag-ubay sa mga kamot kag ihibalo

sang mga dalubhasa sa medisina

agod ila maalagaran ang masakiton

sing may kasangkol kag kaluoy,

subong man ang mga ahensiya sang gobyerno kag pribado

agod sila makakita sang bulong kag kasolbaran

sang sini nga balatian.

Kami nagapangamuyo sa mga nagamasakit,

kabay nga ang ila maayo nga lawas

magapanumbalik sa gilayon.

Ihatag sa amon ang grasyo sa pagpangabudlay

para sa kaayuhan sang tanan

kag sa pagbulig sa mga nagakinahanglan.

Ginapangayo namon ini sa Imo,

paagi kay Jesu Kristo, Imo Anak kag amon Ginoo,

nga nagakabuhi kag nagahari upod sa Imo,

sa kaisahan sang Espiritu Santo,

Dios sa tanan nga mga tuig sang mga katuigan.

Amen.

Santa Maria, Mananabang sang mga Kristiano, ig-ampo mo             kami!

San Rafael Arkanghel, ig-ampo mo kami!

San Roque, ig-ampo mo kami!

San Lorenzo Ruiz, ig-ampo mo kami!

San Pedro Calungsod, ig-ampo mo kami!